Кривичниот суд и ги одзеде двата пасоши, обичниот и дипломатскиот на поранешната директорка на Агенцијата за европски образовни програми, Лидија Димова. Освен што остана без патни исправи, Димова има обврска редовно да се јавува во судот но доби и забрана да врши одредени работни дејствија. Истите мерки Кривичен ги донесе и за другите двајцата осомничени.
Обвинителството се сомнева дека Димова го сторила кривичното дело Злоупотреба на службена положба и Измама на штета на средствата на ЕУ. Финасиската полиција поднесе кривична пријава против четири лица, а обвинителството отоври истрага за неколку кривични дела. Осомничените се товарат дека причиниле штета од големи размери на доверените средства на европската заедница во вкупен износ од над 400.000 евра.
