Шукова: ,,Убиства, дрога, насилства, колку жртви уште треба за Панче Тошковски да поднесе оставка"

СДСМ денеска преку претседателката на Форумот на жени, Каја Шукова, побара оставка од министерот за внатрешни работи Панче Тошковски, обвинувајќи го за, како што рече, целосен распад на безбедносниот систем.

— реклама —

На прес-конференција, Шукова рече дека Македонија во последните две години се соочува со раст на насилството, убиства, случаи на семејно насилство и криминал, додека институциите не успеваат да обезбедат заштита на граѓаните.

— реклама —

Таа се осврна на повеќе случаи на убиства и насилства, меѓу кои и неодамнешни трагедии во скопскиот регион, Велес, Старо Нагоричане и Кочани, оценувајќи дека системот потфрлил и во превенцијата и во реакцијата.

Шукова посочи и на случаи на врсничко насилство, злоупотреба на малолетници и, како што наведе, недостиг на институционална реакција и превенција.

— реклама —

Во обраќањето, таа обвини дека полицијата е партизирана и ставена во функција на власта, наместо во служба на граѓаните.

Според СДСМ, одговорноста за состојбата директно ја сноси министерот Тошковски, поради што партијата побара негова итна оставка.