Свечен пречек на Христијана Парулеска која освои златен медал на Европското првенство во таеквондо

Голем број охриѓани и вљубеници во спортот беа дел од свечениот пречек на младата охриѓанка Христијана Парулеска која како дел од македонската репрезентација во традиционално таеквoндо, освои златен медал на Европското првенство што се одржа во Јесоло, Италија.

— реклама —

Нашата репрезентативка беше прогласена за најдобра кадетка на првенството, а покрај златниот медал во категоријата борба, Парулеска освои и сребрен медал во категоријата борба со замислен противник.

— реклама —

— реклама —

Пехарот и беше вречен на посебна церемонија и е прва ваква награда, што македонски спортист ја освоил во поединечна конкуренција на Европски шампионат. Европската титутла на Парулеска е освоена во силна конкуренција од натпреварувачи од 27 држави.

— реклама —

Градоначалникот Кирил Пецаков упати срдечни честитки за постигнатиот успех и истакна дека е горд што Охрид се радува на ваков врвен спортски успех и злато од Европско првенство. Во изјава за медиумите градоначалникот потенцираше дека Општина Охрид и понатаму ќе продолжи да ги проддржува спортистите и спортските клубови и да вложува средства за подобрување на спортската инфраструктура во градот.