СВР Битола соопшти дека во два одделни случаи биле лишени од слобода двајца возачи кои управувале возила без важечка возачка дозвола.
Во првиот случај, на улицата „Стив Наумов“ во село Долно Оризари, полицијата го привела Д.П. (27) од истото село, кој управувал патничко возило „фолксваген“ со битолски регистарски ознаки без возачка дозвола. По документирање на настанот ќе следува соодветна пријава.
Во вториот случај, на улицата „Даме Груев“ во Битола бил приведен И.Р. (26) од Прилеп, кој управувал возило „шкода“ со битолски регистарски ознаки без важечка возачка дозвола. И во овој случај ќе следува соодветна пријава по целосно документирање на случајот.
