СВР Охрид предупредува на нов бран интернет измами и лажни пораки за „Безбеден град“

СВР Охрид предупредува за зголемен број интернет и компјутерски измами, меѓу кои и лажни пораки за наводно сторени сообраќајни прекршоци регистрирани преку системот „Безбеден град“.

— реклама —

Според пријавите, граѓаните добиваат СМС-пораки и други електронски известувања од странски телефонски броеви, со линкови до лажно изработени веб-страници. Преку нив, измамниците ги наведуваат да вложуваат пари во наводни инвестиции и тргување, да внесуваат лични и банкарски податоци, ветувајќи им голема заработувачка.

— реклама —

Во лажните известувања за сообраќајни прекршоци, на граѓаните им се испраќаат линкови преку кои се бара уплата на одредена сума пари.

— реклама —

Од СВР Охрид апелираат граѓаните да бидат особено внимателни, да не ги отвораат сомнителните линкови, да не внесуваат лични и банкарски податоци и да не вршат уплати. Секој ваков случај треба да го пријават во најблиската полициска станица.

— реклама —

Оттаму потсетуваат дека официјалните СМС-известувања за сообраќајни прекршоци од системот „Безбеден град“ се испраќаат од испраќачот „MVR SC“ и содржат податоци и фотографии за возилото, како и линк до официјалната веб-страница.