На 02.09.2019 СВР Тетово спроведе засилени сообраќајно-контролни активности во Тетово во врска со паркирањето во централното подрачје, посебно на улиците кои водат или се наоѓаат во непосредна близина на училиштата. Притоа откриени се 20 непрописно паркирани возила, кои веднаш се отстранети, а на нивните сопственици им се изготвени соодветни поднесоци. При контролите, исто така, откриени се и пет нерегистрирани возила, четири возачи - почетници кои не се придржувале на законските ограничувања, двајца возачи без положен возачки испит, еден возач кој управувал возило под дејство на алкохол и др. прекршоци. За сите прекршоци поднесени се соодветни поднесоци.
