Таковска во Белград целосно блокирана: прекинат сообраќајот поради собир пред РТС

Таковска улица во Белград вечерва е затворена за сообраќај поради собир што се одржува пред зградата на Радио-телевизијата на Србија (РТС), организиран од студентите во блокада, со поддршка од граѓани.

— реклама —

Полициски екипи го блокираа минувањето од двете страни на Таковска, поради што возилата не можат да се движат низ овој дел од центарот на градот.

— реклама —

Според достапните информации од терен, Улицата „Кнез Милош“ останува проодна, како и Косовска улица.

— реклама —

Студентите наведуваат дека собирот го организираат поради незадоволство од известувањето на јавниот сервис во врска со инцидент што претходно се случил пред Правниот факултет.

— реклама —

Како што беше посочено, во текот на денот, за време на блокада пред Правниот факултет, дошло до инцидент кога возач на автомобил „опел“ со белградски регистарски таблички се вратил наназад и удрил постар маж кој ја блокирал раскрсницата.