„Task Force“ фати Унгарец со марихуана кај автокампот „Треска“ во Радожда

Мобилниот тим „Task Force“ при Регионалниот центар за гранични работи „Запад“ пронашол марихуана кај 23-годишен државјанин на Унгарија во близина на автокампот „Треска“ во Радожда.

— реклама —

Како што информираат од Министерството за внатрешни работи, вчера (19.09.2026) во 20:45 часот, во рамки на мерките за сузбивање на недозволената трговија со дрога, полициски службеници извршиле контрола над П.А.Л. (23).

— реклама —

При извршениот преглед кај него била пронајдена марихуана.

— реклама —

За случајот биле известени јавен обвинител од Основното јавно обвинителство Струга и судија на претходна постапка од Основниот суд Струга.

Од Регионалниот центар за гранични работи „Запад“ најавуваат дека против лицето ќе биде поднесена соодветна пријава.