Татко го прегазил 6-годишниот син со џип додека возел во рикверц

Тешка сообраќајна несреќа во Тетово: шестгодишно дете е тешко повредено откако било прегазено од возило управувано од неговиот татко.

— реклама —

Несреќата се случила завчера околу 8:30 часот, кога 42-годишниот маж управувал „Фолксваген Туарег“ во рикверц. При движењето наназад, со задното тркало го прегазил детето.

— реклама —

— реклама —

По несреќата, шестгодишното дете било пренесено во Ургентниот центар во Тетово. Поради сериозноста на повредите, лекарите го упатиле на понатамошно лекување во комплексот клиники „Мајка Тереза“ во Скопје.

— реклама —

Полициски екипи извршиле увид на местото и продолжуваат со преземање мерки за целосно расчистување на случајот и утврдување на сите околности под кои се случила несреќата.