Татко пријавил дека неговото дете е силувано од постар маж во скопската населба Ѓорче Петров. Според полицијата, вчера околу 19:30 часот во Полициската станица Ѓорче Петров, Н.Т. од Скопје пријавил дека истиот ден околу 8 часот во населбата Ѓорче Петров неговото малолетно дете било пресретнато од непознато лице на возраст од околу 60-65 години.
Според пријавеното, непознатото лице извршило полов напад врз детето. За настанот бил известен Јавен обвинител. Се преземаат мерки и активности за расчистување на настанот.
