Миле Јовановски, таткото на Бојан Јовановски-Боки 13, денеска како обвинет во Кривичниот суд во целост призна дека на Божик во 2017 го тепал со боксови и клоци неговиот прв сосед свештеникот Виктор Стојчев и оти му нанел тешки телесни повреди.
„Го признавам делото, иако не во целост. Никој не вршеше притисок врз мене да признаам. Да, во целост ќе ја платам штетата на оштетениот“, одговараше Јовановски на прашањата на судијката Александра Ристевска.
Свештеникот Стојчев, пак, соопшти дека има оштетно побарување. Обвинителката во завршните зборови побара Јовановски да биде казнет според законот.
Судијата Ристевска најави изрекување на пресудата в понеделник.
фото: Архива
