Театарска претстава „Мрки, нисам ти испричао“ пристигнува на 25 ноември на сцената на Националната опера и балет во Скопје

Македонската публика на 25 ноември ќе има можност да ја проследи мултимедијалната монодрама „Мрки, нисам ти испричао“, која ќе биде изведена на сцената на Националната опера и балет во Скопје, со почеток во 20 часот.

— реклама —

Претставата доаѓа од Србија, каде што веќе има остварено повеќе распродадени изведби, а позитивни реакции добила и од публиката и од медиумите во Србија и Црна Гора.

— реклама —

Главната улога ја толкува познатиот актер Марко Јанкетиќ, кој воедно е автор на оваа емотивна приказна посветена на неговиот татко, легендарниот актер Миша Јанкетиќ. Режијата е на актерката Анѓелка Прпиќ, а мултимедијалниот пристап и музиката во живо ја надополнуваат актерската игра и визуелниот израз.

— реклама —

Низ лични спомени, хумор, музика и силни емоции, претставата ги отвора темите за семејството, љубовта, загубата и неискажаните зборови. Станува збор за искрена сценска приказна што ги поврзува сеќавањата и личните доживувања со универзалните чувства, нудејќи им на гледачите доживување што истовремено трогнува и насмевнува.

— реклама —

Изведбата во Скопје е закажана за среда, 25 ноември, во 20 часот, во Националната опера и балет.