(Видео) Телефоните во шкафче, фокусот на наставата: Бања Лука воведе нови правила за основците

Основците во Бања Лука од денеска на часовите ќе влегуваат без мобилни телефони. Градот обезбедил шкафчиња во кои учениците ќе ги оставаат телефоните пред почетокот на наставата, а ќе ги преземаат по завршувањето на часовите.

— реклама —

Градоначалникот на Бања Лука, Драшко Станивуковиќ, објасни дека целта е учениците за време на наставата да бидат насочени кон учењето, концентрацијата и дружењето, без одвлекување на вниманието од мобилните телефони.

Покрај оваа мерка, во училиштата се воведуваат и полици за книги. Учениците ќе имаат на располагање примероци во училиштата, додека дополнителен комплет книги ќе имаат дома, со што ќе треба да носат помалку училишни материјали.

— реклама —

Станивуковиќ ги претстави и новите училишни униформи со мотиви од змијанскиот вез, нагласувајќи дека целта е учениците да не се разликуваат според облеката, туку според знаењето и вештините што ги стекнуваат.

— реклама —

Најавени се и здрави ужинки во училиштата, подготвени според препораките на нутриционисти, кои во најголем дел ќе бидат финансирани од Град Бања Лука.

Градоначалникот ги повика родителите да ја користат и апликацијата за заштита на децата од несоодветни содржини на социјалните мрежи. Тој порача дека мерките се само почеток и дека градот планира дополнителни активности за подобрување на условите за учениците.

View this post on Instagram