Телефонски се заканувал на вработени во странска амбасада, радовишанец упатен на психијатриско набљудување

37-годишен жител на Радовиш е кривично пријавен откако телефонски упатил сериозни закани кон вработени во амбасада на странска држава во Македонија.

— реклама —

Според информациите од МВР, Ѓ. Н. на 4 ноември 2026 година се јавил во амбасадата и на странски јазик им се заканувал на вработените, загрозувајќи ја нивната сигурност. Настанот бил пријавен следниот ден, по што полициските службеници го пронашле и лишиле од слобода осомничениот.

— реклама —

— реклама —

При службениот разговор, 37-годишникот го признал делото. Против него СВР Струмица – ОВР Радовиш поднело кривична пријава до Основното јавно обвинителство во Струмица за „загрозување лица под меѓународна заштита“.

— реклама —

На предлог на јавен обвинител, судија од Основниот суд во Струмица донел решение осомничениот да биде упатен на психијатриско набљудување во соодветна здравствена установа.