Безживотно тело на 20-годишно момче било пронајдено во водите на Охридското Езеро кај „Машка плажа“ во Струга, соопшти полицијата.
Случајот бил пријавен во СВР Охрид, по што телото веднаш било извлечено и пренесено во Општата болница во Струга.
Лекар од болницата констатирал смрт, при што не биле забележани траги на насилство.
Според информациите од полицијата, утврдено е дека станува збор за С.С. (20) од струшкото село Октиси.
Надлежните институции преземаат мерки за целосно расчистување на случајот и утврдување на околностите под кои настапила смртта.
