Температури до 36 степени, попладне локално невреме со пороен дожд и грмежи

Сончево и топло време со мала до умерена локална облачност ќе преовладува во поголем дел од земјава. Во текот на денот на места ќе има нестабилност проследена со пороен дожд, грмежи и засилен ветер.

— реклама —

Локално се очекуваат поинтензивни временски процеси во форма на невреме, со пороен дожд, силен ветер и услови за појава на град. Ќе дува слаб до умерен ветер од југоисточен правец.

— реклама —

Минималната температура ќе биде од 11 до 20 степени, а максималната ќе достигне од 32 до 36 степени.

— реклама —

Во Скопје ќе биде сончево и топло со мала до умерена облачност. Во попладневните часови на места ќе има нестабилност со пороен дожд, грмежи и засилен ветер, а во делови од Скопската Котлина процесите може да прераснат во невреме со силен ветер, пороен дожд и услови за појава на град.

Минималната температура во Скопје ќе се спушти до 19 степени, додека максималната ќе достигне до 36 степени.