Тепачка со тврди предмети во Драчево, повреден 16-годишник и нападнат полицаец

Шест лица се приведени во Скопје по физичка пресметка во Драчево, во која бил повреден 16-годишник, а подоцна бил нападнат и полициски службеник.

Од МВР информираат дека на 10 август во 23:20 часот, полициски службеници од СВР Скопје ги привеле Р.С.(63), Б.С.(37), Б.А.(20), О.С.(41), Н.С.(21) и Ѓ.С.(33), сите од Скопје.

— реклама —

Според пријавеното, околу 22:30 часот лицата го нарушиле јавниот ред и мир со физичка пресметка, при што биле употребени и тврди предмети. Во пресметката била нанесена расекотина на 16-годишник, кој бил еден од учесниците.

— реклама —

По пристигнувањето на полициските службеници на местото, еден од учесниците со тврд предмет нападнал полициски службеник.

— реклама —

Од МВР информираат дека по целосното документирање на случајот ќе следуваат соодветни пријави.