Семејна расправија прераснала во физичка пресметка меѓу двајца браќа и нивната мајка во семејниот дом во Шуто Оризари.
Од СВР Скопје соопштија дека случајот бил пријавен на 27 септември во 23:20 часот, а според пријавеното, инцидентот се случил околу 23:00 часот.
По претходна вербална расправија физички се пресметале двајцата браќа, на возраст од 26 и 20 години, и нивната 46-годишна мајка. Сите се од Скопје.
Од полицијата информираат дека по целосното документирање на случајот ќе следуваат соодветни поднесоци.
