Во раните утрински часови вчера, пред продажен објект на улицата „Партизанска“ во Охрид, бил нарушен јавниот ред и мир со физичка пресметка меѓу повеќе лица.
Како што информираат од СВР Охрид, настанот бил пријавен во 05:32 часот, а во тепачката учествувале Б.С.(17) и Д.С.(20), двајцата од селото Лескоец, како и Х.Ѓ.(19) и С.А.(18) од Охрид, од една страна, и В.Д.(22) и Ф.К.(28) од Скопје, од друга страна.
Од полицијата велат дека по целосното документирање на случајот ќе биде поднесен соодветен поднесок.
