Советничката Ирена Витина, која во ноември лани го напушти ВМРО-ДПМНЕ и остана да дејствува како независна советничка во Советот на Скопје, обвини за тортура и терор. Таа на социјалните мрежи го обвини претседателот на градскиот совет, Трајко Славески, за злоупотреби.
„Теророт, тортурата, бруталното демонстрирање на сила, непочитување на ниту еден пишан акт и реакцијата на еден нормален организам на ненормални околности, нема да ме спречи да продолжам во мојата борба за вистината. Трајко Славески, ниедно замолчување не може да ги избрише трагите на твоето непочитување на законите и злоупотребата која во континуитет ја правиш.
Со овие ваши противзаконски и неправедни постапки, вам ви станува сѐ појасно зошто не сме во партиско и идеолошко единство, а мене сѐ повеќе ми се потврдува исправноста на одлуката што сум надвор од ова.
Големо Благодарам на „борците за еднакви можности" и нивните двојни аршини. Целосно одлепени од реалноста, каде ли ќе стигнете?!
П.С. Додека, Вие, „претседателе", се потпишувате во туѓо име, јас ќе Ви ги набројувам сите злоупотреби“, напиша Витина.
Советничката во јавноста важи блиска до градоначалничката Данела Арсовска.