Тешка несреќа во Радишани: Лифт повлече тригодишно девојче

Тригодишно девојче се здобило со тешки телесни повреди во несреќа со лифт во станбена зграда во скопската населба Радишани.

— реклама —

Според информациите од Министерството за внатрешни работи, случајот бил пријавен синоќа во 20 часот во СВР Скопје, а несреќата се случила на 22 август околу 18:15 часот.

— реклама —

Триесетгодишната Е. З. од Скопје пријавила дека во моментот на несреќата била во лифтот заедно со своите деца. Според пријавеното, вратата од лифтот ненадејно се отворила, а потоа повторно се затворила.

Во тој момент тригодишното девојче било повлечено и се здобило со тешки телесни повреди.

— реклама —

Детето било пренесено во ЈЗУ „Св. Наум Охридски“ во Скопје, каде што лекарите ги констатирале повредите.

Од МВР информираат дека се преземаат мерки за целосно расчистување на случајот и утврдување на сите околности под кои се случила несреќата.