Тешка сообраќајка кај Струга: Тројца се однесени во болница со повредени по судир на два „голфа“

Тројца се здобиле со тешки телесни повреди во сообраќајна незгода што вчераутро се случила на регионалниот пат меѓу струшките села Велешта и Враништа.

— реклама —

Според СВР Охрид, незгодата била пријавена на 12 септември во 7:30 часот, а во неа учествувале два автомобили „голф“, двата со струшки регистарски ознаки.

— реклама —

Со едното возило управувал Ф.Б. (36) од Лабуништа, а со другото Е.Ќ. (54) од Велешта.

Во судирот тешко биле повредени двајцата возачи, како и Е.Б. (27) од Лабуништа, кој бил сопатник во првото возило.

— реклама —

Тешките телесни повреди им биле констатирани во болницата „Св. Еразмо“ во Охрид.

— реклама —

Полициски екипи извршиле увид на местото на сообраќајната незгода.