Четири лица се повредени во сообраќајна несреќа што се случила рано утрово на регионалниот пат Прилеп–Битола, во близина на прилепското село Тополчани.
Според информациите од МВР, несреќата била пријавена во 04:46 часот, а во неа учествувале патничко возило „Сеат“, управувано од 19-годишниот С.Ј. од Прилеп, и „Мерцедес“ со велешки регистарски ознаки, управуван од 48-годишниот Г.П. од Росоман.
Во судирот, тешки телесни повреди добил 19-годишниот возач на „Сеат“. Со телесни повреди се здобиле и возачот на „Мерцедес“, како и неговите сопатници Д.П. (39) од Корешница и Т.Т. (55) од Рибарци. Повредите биле констатирани во Општата болница во Прилеп.
На местото на несреќата бил извршен увид од увидна екипа на ОВР Прилеп.
