Тешка сообраќајка на крстосницата кај Кале, повреден 54-годишен мотоциклист

Возач на мопед на возраст од 54 години се здобил со тешки телесни повреди во сообраќајна несреќа што се случила на крстосницата на улиците „Самоилова“ и „Прохор Пчински“, кај паркингот Кале во Скопје.

— реклама —

Според информациите од Министерството за внатрешни работи, несреќата била пријавена на 8 октомври во 10:30 часот во СВР Скопје. Во неа учествувале патничко возило „опел“, управувано од 68-годишниот С.Н. од Скопје, и мопед со скопски регистарски ознаки, управуван од З.С. од селото Стајковци.

— реклама —

— реклама —

Во судирот тешко бил повреден возачот на мопедот. Повредите биле констатирани во Јавната здравствена установа „Св. Наум Охридски“.

Увид на местото на несреќата извршила увидна екипа на СВР Скопје.