Тешка сообраќајка на патот Охрид–Ресен: Две лица тешко повредени, уште три со телесни повреди

Две лица се здобиле со тешки телесни повреди, а уште три со телесни повреди во сообраќајна несреќа што вчера се случила на магистралниот пат Охрид–Ресен, во близина на охридското село Опеница.

— реклама —

Според информациите од полицијата, несреќата се случила на 19 септември 2026 година во 17:30 часот, а во неа учествувале патничко возило „Сузуки Витара“ со скопски регистарски ознаки, управувано од 67-годишен државјанин на Велика Британија, и патничко возило „Опел“ со битолски регистарски ознаки, управувано од 28-годишен жител на битолското село Буково.

— реклама —

Со тешки телесни повреди, констатирани во болницата „Св. Еразмо“ во Охрид, се здобиле Д.С. и И.З., сопатници во возилото „Опел“.

— реклама —

Кај возачот на „Сузуки Витара“, како и кај две сопатнички во „Опел“, во Општата болница во Охрид биле констатирани телесни повреди.

По насоки на јавен обвинител, увид на местото на сообраќајната несреќа извршила екипа на СВР Охрид. Полицијата работи на утврдување на околностите под кои дошло до несреќата.