Тешка сообраќајна несреќа на патот Струмица – Валандово, повреден 60-годишник

Шеесетгодишен жител на струмичкото село Костурино се здобил со тешки телесни повреди во сообраќајна несреќа што се случила на регионалниот пат Струмица – Валандово.

— реклама —

Според информациите од МВР, несреќата била пријавена на 18 октомври, околу 18 часот, на делницата од Костурино до местото викано „Чадорче“.

— реклама —

Во несреќата учествувале патничко возило „фиат пунто“, управувано од 60-годишниот Т.Џ. од Костурино, и автомобил „фолксваген“, управуван од 30-годишниот В.К. од Гевгелија.

— реклама —

Возачот на „фиат пунто“ се здобил со тешки телесни повреди, кои биле констатирани во Медицинскиот центар во Струмица.

Увид на местото на несреќата извршила екипа на СВР Струмица.