Тешко повреден 16-годишник во судир на автомобил и товарно возило

На регионалниот пат во атарот на село Мородвис, Општина Зрновци, се случила сообраќајна несреќа меѓу патничко возило и товарно возило, при што тешко е повреден 16-годишник.

— реклама —

Како што соопшти МВР, несреќата била пријавена на 22 септември 2026 година во 12:00 часот во ОВР Кочани. Во неа учествувале патничко возило „Алфа Ромео“ со кочански регистарски ознаки, управувано од 16-годишник од Мородвис, и товарно возило „Форд“, управувано од Д. В. (54), исто така од Мородвис.

— реклама —

— реклама —

Во несреќата со тешки телесни повреди се здобил малолетникот, додека возачот на товарното возило се здобил со телесни повреди. Повредите биле констатирани во Јавната здравствена установа во Кочани.

Увид на местото на несреќата извршила увидна екипа од ОВР Кочани.