Мотоциклист на возраст од 24 години се здобил со тешки телесни повреди во сообраќајна несреќа во која учествувале две возила и мотоцикл на улицата „Радишанска“ во Скопје.
Несреќата се случила на 21 август во 16:40 часот помеѓу „фолксваген голф“, управуван од З.Б.(52), „фолксваген тигуан“, управуван од Д.В.(44), и мотоцикл управуван од С.К.(24), сите со скопски регистарски ознаки.
Повредениот мотоциклист бил пренесен во Ургентниот центар при Комплексот клиники „Мајка Тереза“, каде што му биле констатирани тешки телесни повреди.
Увид извршила екипа на СВР Скопје.
