39-годишен жител на тетовско Џепчиште е тешко повреден во сообраќајна несреќа што се случила на локалниот пат меѓу Џепчиште и Једоарце.
Од Министерството за внатрешни работи информираат дека несреќата била пријавена вчера околу 15:30 часот во СВР Тетово.
Според пријавеното, Е.Џ. управувал мопед со скопски регистарски ознаки, кога од засега непознати причини изгубил контрола над возилото и паднал на коловозот.
При падот се здобил со тешки телесни повреди, кои биле констатирани во Клиничката болница во Тетово.
На местото на несреќата бил извршен увид од увидна екипа на СВР Тетово.
