Тешко повреден 44-годишен мотоциклист во сообраќајка на патот Орешани–Таор

Мотоциклист тешко се повредил во сообраќајна несреќа што се случила на општинскиот пат меѓу селата Орешани и Таор, соопшти Министерството за внатрешни работи.

— реклама —

Според пријавеното, несреќата се случила на 4 октомври околу 22:00 часот, а во неа учествувале патничко возило „сеат“ со скопски регистарски ознаки, управувано од 23-годишниот С.Р. од Скопје, и мотоцикл „хонда“, управуван од 44-годишниот И.Ѓ., исто така од Скопје.

— реклама —

— реклама —

Во несреќата мотоциклистот се здобил со тешки телесни повреди, додека возачот на автомобилот бил повреден. Повредите кај двајцата биле констатирани во Комплекс клиники „Мајка Тереза“ во Скопје.

— реклама —

Увид на местото на несреќата извршила увидна екипа на СВР Скопје.