Тешко повреден 48-годишен возач по излетување од патот кај Просениково

На локалниот пат Струмица–село Просениково синоќа се случила сообраќајна несреќа во која тешко е повреден 48-годишен возач.

— реклама —

Од МВР информираат дека несреќата била пријавена на 27 септември во 23:30 часот во Полициската станица Струмица. Патничко возило „фолксваген“, со струмички регистарски ознаки, управувано од Б.П. (48) од село Просениково, излетало надвор од патот.

— реклама —

— реклама —

Во несреќата возачот се здобил со тешки телесни повреди, кои биле констатирани во Медицинскиот центар во Струмица.

Увид на местото извршила екипа од Полициската станица Струмица.