63-годишен пешак е тешко повреден во сообраќајна несреќа што се случила на регионалниот пат Тетово–Скопје, кај селото Желино.
Според информациите од МВР, несреќата била пријавена на 15 август во 12:50 часот во СВР Тетово. Во неа учествувале патничко возило „Ауди“, управувано од 33-годишниот М.С. од село Требош, и пешакот З.Е. (63) од село Желино.
Во судирот пешакот се здобил со тешки телесни повреди.
Увид на местото на несреќата извршила екипа од СВР Тетово, а околностите под кои се случила несреќата се предмет на натамошно утврдување.
