Шеесет и петгодишен мотоциклист од Кичево е тешко повреден во сообраќајна несреќа што се случила вчера на улицата „Маршал Тито“ во Кичево.
Според информациите од Министерството за внатрешни работи, несреќата била пријавена во 11:40 часот, а во неа учествувале патничко возило „голф“, управувано од 34-годишна жена од Кичево, и мотоцикл „томос“, кој го управувал 65-годишниот мотоциклист, исто така од Кичево.
Во несреќата мотоциклистот се здобил со тешки телесни повреди, кои биле констатирани во болницата „Св. Еразмо“ во Охрид.
Увид на местото на несреќата извршила екипа од ОВР Кичево.
