Тешка сообраќајна несреќа се случила на скопска крстосница, при што 68-годишен велосипедист бил тешко повреден и пренесен на лекување.
Според информациите од МВР, несреќата била пријавена на 1 септември во 15 часот, на крстосницата меѓу улиците „Џон Кенеди“ и „Кемал Ататурк“ во Скопје.
Во несреќата учествувале патничко возило „ауди“ со скопски регистарски ознаки, управувано од Б.А. (29) од селото Блаце, скопско, и велосипед управуван од Е.Т. (68) од Скопје.
Во судирот велосипедистот се здобил со тешки телесни повреди, кои биле констатирани во Ургентниот центар при комплексот клиники „Мајка Тереза“ во Скопје.
На местото на несреќата бил извршен увид од увидна екипа на СВР Скопје.
