На 24 септември во 09:23 часот во ОВР Делчево било пријавено дека е потребна медицинска помош за 68-годишен жител на селото Стамер, кој бил повреден во несреќа со трактор.
Според пријавеното, Љ.В. управувал трактор со делчевски регистарски ознаки во близина на местото „Брана Петрашевец“, во атарот на селото Чифлик, кога изгубил контрола над возилото. Тракторот се превртел, при што тој се здобил со тешки телесни повреди.
Повредите биле констатирани во болницата во Кочани. За случајот бил известен јавен обвинител, а увид на местото извршила екипа од ОВР Делчево.
