Тешко повреден 71-годишен велосипедист во сообраќајка на „Франклин Рузвелт“

Седумдесет и едногодишен велосипедист е тешко повреден во сообраќајна несреќа што вчера се случила на улицата „Франклин Рузвелт“ во Скопје.

— реклама —

Според МВР, несреќата била пријавена околу 14:50 часот, а во неа учествувале мотоцикл „веспа“ со скопски регистарски ознаки, управуван од 33-годишниот С.Н. од Скопје, и велосипед управуван од 71-годишниот Д.Ч., исто така од Скопје.

— реклама —

— реклама —

Во несреќата велосипедистот се здобил со тешки телесни повреди, кои биле констатирани во Ургентниот центар при комплексот клиники „Мајка Тереза“.

Увид на местото извршила увидна екипа на СВР Скопје.