На улицата „Љуботенска“ во Тетово вчераутро се случила сообраќајна несреќа во која тешко е повреден 75-годишен велосипедист, информира МВР.
Според пријавеното, несреќата се случила на 31 август околу 8:10 часот, кога се судриле патничко возило „опел“, управувано од 20-годишниот И.И. од селото Бродец, и велосипед со кој управувал 75-годишниот А.С. од Мала Речица.
Во несреќата велосипедистот се здобил со тешки телесни повреди, кои биле констатирани во Клиничката болница во Тетово.
На местото на несреќата бил извршен увид од увидна екипа на СВР Тетово, а за случајот бил известен и јавен обвинител.
