Тешко повреден 80-годишен тракторист при судир со автомобил кај Владевци

Тешко повреден 80-годишен маж во сообраќајна несреќа што се случила на патот Струмица–Радовиш, во селото Владевци, општина Василево, информира Министерството за внатрешни работи.

— реклама —

Несреќата била пријавена во СВР Струмица на 14 септември во 18:43 часот. Во неа учествувале патничко возило „ланд ровер“ со радовишки регистарски ознаки, управувано од С.Т. (59) од селото Ораовица, радовишко, и трактор „ИМТ 533“ без регистарски ознаки, управуван од Ѓ.С. (80) од селото Сушево, општина Василево.

— реклама —

— реклама —

Во несреќата тешки телесни повреди се здобил 80-годишниот тракторист. Повредите биле констатирани во Медицинскиот центар во Струмица.

— реклама —

Увид на местото извршила увидна екипа на СВР Струмица.