Тешко повреден гостиварец во болница, вработен му ја заглавил ногата со количка за медицинска опрема

59-годишен гостиварец пријавил дека се здобил со тешка телесна повреда во Медицинскиот центар во Гостивар, откако вработен во болницата со количка за медицинска опрема му ја заглавил ногата.

— реклама —

— реклама —

Според пријавата во ОВР Гостивар, настанот се случил на 19 октомври околу 13 часот, додека Л.М. чекал лифт во подрумските простории. Вработениот туркал количка со медицинска опрема и, и покрај предупредувањата, продолжил да се движи, при што со тркалото му ја заглавил ногата и му нанел повреди.

— реклама —

Од МВР информираат дека се преземаат мерки за целосно расчистување на случајот.