Шеесетгодишен мотоциклист од Словачка е тешко повреден во сообраќајна несреќа што вчера се случила на магистралниот пат А-3, на делницата од Велес кон Штип.
Според МВР, несреќата била пријавена во 10:40 часот во ОВР Свети Николе. Во неа учествувале патничко возило „опел“ со штипски регистарски ознаки, управувано од 68-годишниот П.Н. од селото Соколарци, Кочанско, и мотоцикл со словачки национални ознаки, управуван од 60-годишниот Ј.Д. од Словачка.
Во судирот мотоциклистот се здобил со тешки телесни повреди, кои биле констатирани во Клиничката болница во Штип.
На местото на несреќата увид извршила увидна екипа на ОВР Свети Николе.
