Тешко повреден мотоциклист по судир со автомобил во Гостивар

58-годишен мотоциклист се здобил со тешки телесни повреди во сообраќајна несреќа што се случила на улицата „Балиндолска“ во Гостивар, информира Министерството за внатрешни работи.

— реклама —

Според МВР, несреќата била пријавена на 29 септември во 16:44 часот во Одделението за внатрешни работи Гостивар. Во несреќата учествувале патничко возило „пежо“ со гостиварски регистарски ознаки, управувано од 61-годишниот С.Б. од Гостивар, и мотоцикл „конект“, исто така со гостиварски регистарски ознаки, управуван од 58-годишниот М.Р. од Гостивар.

— реклама —

— реклама —

При судирот, мотоциклистот се здобил со тешки телесни повреди, кои биле констатирани во Ургентниот центар во Гостивар.

Увид на местото на несреќата извршила екипа од ОВР Гостивар.