Тешко повреден мотоциклист во сообраќајка во Скопје

На улицата „Христо Татарчев“ во Скопје вчера се случила сообраќајна несреќа во која тешко е повреден 20-годишен мотоциклист, соопшти Министерството за внатрешни работи.

— реклама —

Според пријавеното во СВР Скопје, несреќата се случила околу 11:15 часот, при судир меѓу патничко возило „фолксваген поло“, управувано од 65-годишниот Љ.Ј. од Скопје, и мопед со скопски регистарски ознаки, управуван од А.Б. (20) од село Сопиште.

— реклама —

— реклама —

Во несреќата со тешки телесни повреди се здобил мотоциклистот. Повредите биле констатирани во Ургентниот центар при комплексот клиники „Мајка Тереза“ во Скопје.

На местото на несреќата бил извршен увид од увидна екипа на СВР Скопје.