Тешко повреден велосипедист во сообраќајка во Скопје

Тешко е повреден 68-годишен велосипедист во сообраќајна несреќа што се случила вчера на крстосницата меѓу улиците „Јордан Мијалков“ и „Герман“ во Скопје.

— реклама —

Според информациите од Министерството за внатрешни работи, несреќата била пријавена во 12 часот во СВР Скопје. Во неа учествувале возило „фолксваген кеди“ со скопски регистарски ознаки, управувано од 67-годишен маж од Охрид со живеалиште во Скопје, и велосипед управуван од 68-годишен скопјанец.

— реклама —

— реклама —

Во несреќата велосипедистот се здобил со тешки телесни повреди, кои биле констатирани во Комплексот клиники „Мајка Тереза“.

Увид на местото извршила увидна екипа на СВР Скопје.