Возач на мопед е тешко повреден во сообраќајна несреќа што се случила вчера на улицата „Довлеџик“ во Битола, информира Министерството за внатрешни работи.
Несреќата била пријавена во СВР Битола на 14 септември во 14:47 часот. Во неа учествувале патничко возило „ауди“ со битолски регистарски ознаки, управувано од С.В. (61) од Битола, и мопед со битолски регистарски ознаки, кој го управувал Н.Б. (45), исто така од Битола.
Во несреќата тешки телесни повреди се здобил 45-годишниот возач на мопедот. Повредите му биле констатирани во Клиничката болница во Битола.
Увид на местото на несреќата извршила увидна екипа на СВР Битола.
