49-годишна жена е тешко повредена откако во неа удрило патничко возило на улицата „Мито Хаџивасилев Јасмин“ во Скопје.
Од МВР информираат дека несреќата била пријавена во СВР Скопје на 17 септември во 11:30 часот. Во несреќата учествувал „фолксваген пасат“ со скопски регистарски ознаки, управуван од 41-годишниот Ж.Д. од Скопје, кој удрил во 49-годишната Е.Д., исто така од Скопје.
Жената се здобила со тешки телесни повреди, кои биле констатирани во Комплексот клиники „Мајка Тереза“ во Скопје.
На местото на несреќата бил извршен увид од увидна екипа на СВР Скопје.
