Тешко повредена 56-годишна жена откако во неа удрил автомобил

Жена е тешко повредена во сообраќајна несреќа што се случила на улицата „Лука Геров“ во Скопје.

— реклама —

Како што информира МВР, несреќата била пријавена на 13 септември во 14 часот во СВР Скопје. Патничко возило „сузуки“ со скопски регистарски ознаки, управувано од Б.П. (66) од Скопје, удрило во 56-годишната Д.В., пешак, исто така од Скопје.

— реклама —

— реклама —

Во несреќата жената се здобила со тешки телесни повреди, кои биле констатирани во Јавната здравствена установа „Св. Наум Охридски“ во Скопје.

— реклама —

Увид на местото на несреќата извршила увидна екипа на СВР Скопје.