Тешко повредена велосипедистка во сообраќајка во Прилеп

Во сообраќајна несреќа што се случила вчераутро во Прилеп, тешко е повредена 51-годишна велосипедистка, соопшти МВР.

— реклама —

Според информациите на МВР, во 08:25 часот во ОВР Прилеп било пријавено дека на крстосницата меѓу улиците „Мирче Ацев“ и „Трајко Тарцан“, патничко возило „Пежо“ со прилепски регистарски ознаки, управувано од 72-годишниот В.Т. од Прилеп, удрило во велосипедистката К.Д. (51) од Прилеп.

— реклама —

— реклама —

По несреќата, велосипедистката била пренесена во Градската болница во Прилеп, каде што лекар констатирал тешки телесни повреди.

— реклама —

Увид на местото на несреќата извршила увидна екипа на ОВР Прилеп.