Тешка несреќа на патот Берово–Абланица, 16-годишен мотоциклист заврши во болница

Шеснаесетгодишен мотоциклист од Берово се здобил со тешки телесни повреди во сообраќајна несреќа што се случила на локалниот пат Берово–Абланица, соопшти Министерството за внатрешни работи.

— реклама —

Несреќата била пријавена на 5 август околу 17:20 часот, а во неа учествувале мотоцикл „хамачи“ без регистарски ознаки, управуван од малолетникот, и патничко возило „БМВ“ со британски национални ознаки, управувано од И.С. (47) од Скопје.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Општата болница во Кочани.

— реклама —

За случајот бил известен јавен обвинител од Основното јавно обвинителство Кочани, а увид на местото извршила увидна екипа од ОВР Берово.