Тешка сообраќајна несреќа кај Гостивар: Повредени три лица

Едно лице се здобило со тешки телесни повреди, а уште две лица се повредени во сообраќајна несреќа што се случила на регионалниот пат Гостивар – село Градец, соопшти Министерството за внатрешни работи.

— реклама —

Според информациите, несреќата била пријавена на 3 август 2026 година околу 10:30 часот, а во неа учествувале патничко возило „ауди“ со гостиварски регистарски ознаки, управувано од Е.Б. (52) од Гостивар, и патничко возило „голф“ со германски регистарски ознаки, управувано од А.С. (30) од селото Добридол.

— реклама —

— реклама —

Во судирот, возачот А.С. се здобил со тешки телесни повреди, додека Е.Б. и еден сопатник се здобиле со телесни повреди, кои биле констатирани во Ургентниот центар во Гостивар.

— реклама —

Увид на местото на несреќата извршила екипа од ОВР Гостивар.