Тешка сообраќајна несреќа на патот Кичево–Охрид, две лица со тешки повреди

Две лица се здобиле со тешки телесни повреди, а уште две со полесни повреди во сообраќајна несреќа што се случила на магистралниот пат Кичево–Охрид, кај клучката за селото Другово, информира Министерството за внатрешни работи.

— реклама —

Според МВР, несреќата била пријавена на 1 август во 09:15 часот, а во неа учествувале патничко возило „голф“ со кичевски регистарски ознаки, управувано од Ш.У. (38) од Кичево и патничко возило „пежо“ со скопски регистарски ознаки, управувано од М.Ј. (22) од Скопје.

— реклама —

Во судирот со тешки телесни повреди се здобиле возачот на „голфот“ Ш.У. и неговиот сопатник Ш.У. (62) од селото Другово. Повредите им биле констатирани во болницата „Св. Еразмо“ во Охрид.

— реклама —

Телесни повреди добиле и сопатничката во „голфот“ М.У. (66) од Другово, како и сопатничката во „пежото“ М.Ч. (21) од Скопје. Тие биле згрижени во Општата болница во Кичево.

— реклама —

Увид на местото на несреќата извршила екипа од ОВР Кичево.